Уэльс терма жамоаси ҳужумчиси Гарет Бэйл ЖЧ—2022 ўтиш ўйинлари ярим финали доирасида Австрияга қарши кечган ўйиндаги ғалабадан (2:1) сўнг ўз фикрлари билан ўртоқлашди. «Реал» футболчиси ушбу ўйинда дубль қайд этди.
«Тўғрисини айтсам, ҳеч кимга жавоб беришга мажбур эмасман. Вақтимни беҳуда сарфлаб, кимгадир огоҳлантириш юборишнинг ҳожати йўқ. Шу вақтга қадар менга нисбатан бўлган танқидлар ёқимсиз бўлди, улар ўзларидан уялиши керак. Мени бу нарсалар хавотирга солмайди — нуқта.
Агар ўйнаш имконияти берилса, жарима зарбасидан ҳам гол ура оламан. Тўпнинг дарвоза томон учаётганини кўриш ёқимли бўлди. Биринчи гол бизга куч берди. Иккинчиси ҳам ажойиб бўлди.
Ўйин охирида талвасага тушиб қолдим, бу нормал ҳолат. Бироқ ватаним учун тоғни талқон қилишга ҳам тайёрман ва бугун барчамиз шундай муносабатда ўйнадик», — дейди «Реал» ярим ҳимоячиси.
Уэльс ўтиш ўйинлари финалида мундиал йўлланмаси учун Шотландия — Украина баҳси ғолиби билан тўқнаш келади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)