Yevropa mintaqasida JCh—2022 saralashi pley-offining yarim final bahslari 24-mart, payshanba kuni o‘tkazildi.
Portugaliya o‘z maydonida Turkiyani qabul qilib, 3:1 hisobida g‘alaba qozondi. Mezbonlar birinchi bo‘limda Otavio va Diogu Jota tomonidan kiritilgan gollar evaziga hisobda oldinga chiqib oldi, 65-daqiqada Burak Yilmaz hisobni qisqartirishga muvaffaq bo‘ldi. 90+4-daqiqada esa Mateush Nunesh o‘yinga yakuniy nuqtani qo‘ydi.
Qayd etish kerak, 83-daqiqada Burak Yilmaz 11 metrlik jarima zarbasini golga aylantira olmadi.
Italiya kutilmaganda o‘z maydonida Shimoliy Makedoniyaga 1:0 hisobida yengildi va mundial yo‘llanmasidan quruq qoldi.
Shu tariqa Yevropaning amaldagi chempioni ketma-ket ikkinchi bor JChni o‘tkazib yuboradigan bo‘ldi. Endilikda Portugaliya JCh—2022 saralashi pley-offining final o‘yinida Shimoliy Makedoniya bilan bahs yuritadi.
Uels Garet Beylning dubli evaziga Avstriya ustidan g‘alabaga erishdi va final o‘yiniga yo‘l oldi. Jamoa finalda Shotlandiya — Ukraina juftligi g‘olibi bilan bahs yuritadi. Qayd etish kerak, mazkur bahs Ukrainadagi vaziyat tufayli iyun oyiga qoldirilgan.
Shvetsiya kichik hisobda Chexiyadan ustun keldi va hal qiluvchi bahsda Polshaga qarshi maydonga tushadi. Polsha yarim finalda Rossiya bilan o‘ynashi kerak edi, biroq FIFA Ukrainadagi vaziyat tufayli Rossiyani musobaqadan chetlatdi.
Eslatib o‘tamiz, finallar 29-martda bo‘lib o‘tadi.
JCh—2022 saralashi
Pley-off, yarim final bahslari
24-mart, payshanba
Portugaliya – Turkiya 3:1
Gollar: 1:0 – 15 Otavio, 2:0 – 42 Diogu Jota, 2:1 – 65 Yilmaz, 3:1 – 90 Mateush Nunesh.Portugaliya: Diogu Koshta, Diogu Dalot, Fonte, Danilu Pereyra, Gerreyru (Mendesh, 88), Moutinyu (Mateush Nunesh, 88), Otavio (Rafael Leau, 89), Brunu Fernandesh (Vilyam Karvalyu, 80), Bernardu Silva, Ronaldu, Diogu Jota (Joau Feliks, 71).
Turkiya: Chaqir, Chelik (Yaziji, 80), Demiral, Suyunju, Kabak, Kutlu (Dursun, 90), Chalxano‘g‘lu, Under, Aqturko‘g‘lu (Unal, 66), Kekchyu (Tokez, 80), Yilmaz.
Ogohlantirishlar: Chelik (34), Diogu Jota (35), Chalxano‘g‘lu (69), Demiral (76), Moutinyu (86), Tokez (90).
Italiya – Shimoliy Makedoniya 0:1
Gol: 0:1 – 90 Traykovski.Italiya: Donnarumma, Florensi, Manchini (Kyellini, 90), Bastoni, Emerson, Verratti, Jorjinyo, Barella (Tonali, 77), Immobile (Pellegrini, 77), Insinye (Raspadori, 64), Berardi (Joao Pedro, 89).
Shimoliy Makedoniya: Dimitriyevski, Ristovski, Velkoski (Ristevski, 86), Musliu, Churlinov, Alioski, Ademi (Ashkovski, 59), Nikolov (Spirovski, 59), Bardi, Ristovski (Miovski, 72), Traykovski.
Ogohlantirishlar: Velkoski (80).
Uels – Avstriya 2:1
Gollar: 1:0 – 25 Beyl, 2:0 – 51 Beyl, 2:1 – 64 Zabitser.Uels: Hennessi, Roberts, Devis, Rodon, Ampadu, Uilyams, Remzi, Allen, Uilson, Beyl (Mifem, 90), Jeyms (Jonson, 88).
Avstriya: Lindner, Layner (Gregorich, 88), Dragovich, Xinteregger, Alaba, Laymer (Kalayjich, 55), Baumgartner (Vaymann, 77), Zabitser, Shlager (Lazaro, 77), Zayvald, Arnautovich.
Ogohlantirishlar: Baumgartner (24), Uilson (59), Layner (87), Uilyams (90).
Shvetsiya – Chexiya 1:0
Gol: 1:0 – 110 Kvayson.Shvetsiya: Olsen, Danielsson, Nilsson, Lindelyof, Olsson (Bengtsson, 62), Klasson (Kvayson, 62), Forsberg (Elanga, 115), Ekdal (Svanberg, 72), Olsson (Karlstrem, 107), Kulusevski, Isak (Xelander, 115).
Chexiya: Vaslik, Brabes, Golesh, Zima, Masopust (Gavel, 76), Barak (Kreychi, 90), Souchek, Sadilek (Sikora, 90), Yankto (Mateyu, 76), Kuxta (Pekxart, 83), Glojek (Lingr, 111).
Ogohlantirishlar: Nilsson (46), Klasson (52), Ekdal (60), Golesh (68), Zima (71), Souchek (85), Mateyu (90), Olsson (103), Karlstrem (114).
Izoh (0)