“PSJ” futbolchisi Kilian Mbappe uchun kurashga “Barselona” ham qo‘shildi.
“Barselona” bunday darajadagi o‘yinchini qo‘lga kiritish uchun moliyaviy jihatdan raqobatlasha olishiga ishonchi komil va Mbappeni jalb qila oladigan taklif bilan chiqishga tayyor. Kataloniyaliklar Goldman Sachs’dan olgan 595 million yevrolik kredit va yangi homiy Spotify bilan tuzilgan 70 million yevrolik shartnoma evaziga endi Kilian transferini amalga oshirishga qodir.
Mbappe uchun kurashda “Real” favorit. Ammo “ko‘k-anorranglilar” taklif bilan chiqsa, fransuzning vakillari ushbu taklifni ko‘rib chiqishi mumkin. O‘z o‘rnida “Barselona” Kilian qaror qabul qilishidan oldin bosh murabbiy Xavi bilan suhbatlashib olishi kerak deb hisoblamoqda.
Avvalroq “PSJ” Mbappega 50 million yevro maosh va yana qo‘shimcha 100 million yevro bonus bilan yangi shartnoma taklif qilgani haqida xabar berilgandi.
Bungacha Kilian “PSJ” tarixida eng yaxshi to‘purarga aylanish uchun klubda qolishi mumkinligi xabar qilingandi. Shuningdek, Fransiyaning amaldagi va sobiq prezidentlari ham Kilian Mbappega “PSJ”da qolishni maslahat bergandi.
Mbappe 2017-yildan buyon “PSJ” sharafini himoya qilib kelmoqda. Futbolchining parijliklar bilan shartnomasi 2022-yil iyun oyida o‘z nihoyasiga yetadi. Joriy mavsum futbolchi Fransiya chempionatining 26 o‘yinida ishtirok etib, 15 ta gol va 10 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)