UFC jangchilari Xorxe Masvidal va Kolbi Kovington 22-mart kuni Mayamidagi restoranlarning birida mushtlashib ketdi.
“Yuzingni ko‘rsat, qanday ahvolga tushganingni ularga ko‘rsat. Men Deyd okrugidanman, bu yerda fakt bilan gapirishing kerak. Mening hududimda hammasi xuddi shunday hal qilinadi”, — degan Masvidal.
Mushtlashuvdan so‘ng politsiya chaqirilgan. Xabarlarga ko‘ra, Kolbining tishi singan.
Mayami politsiyasi janjal bo‘yicha tergov harakatlari boshlaganini e’lon qilgan. Jabrlangan tomonning shaxsiy ma’lumotlarini himoya qiluvchi Marsi qonuni qo‘llanilishi sababli Kovington politsiya hisobotida jabrlanuvchi sifatida ko‘rsatilmagan.
Huquq-tartibot idoralari mahalliy vaqt bilan soat 23:54 da qo‘ng‘iroq bo‘lgani va ular restoran yoniga yetib kelganda jabrlanuvchining qo‘li ko‘kargan va tishi singan holda topilganini ta’kidlagan. Mushtlashuvdan 48 soat o‘tib, Masvidal hibsga olingan.
37 yoshli jangchiga og‘ir vaziyatda mushtlashish va bezorilik bandlari bo‘yicha jinoyat ishi ochilgan.
Xorxe hozirda 15 ming dollar garov evaziga Mayamidagi Turner Gilford Nayt tuzatish markazida bo‘lib turibdi. Agar sportchi aybdor deb topilsa, 15 yilgacha qamoq jazosi yoki o‘n ming dollar jarimaga tortilishi mumkin.
Masvidal va Kovington janjali jamoatchilikda turli reaksiyalarni keltirib chiqardi. YouTube bloger Jeyk Pol o‘z Twitter sahifasida ushbu janjalga shunday munosabat bildirdi.
Fakt №1: Xorxe Kolbiga pistirma qilgani uchun ahmoq. Qafasda kaltaklay olmagach, yashirincha hujum qilishga qaror qildingmi?Yengil vazn bo‘yicha UFC chempioni Kamaru Usmon esa ushbu voqeaga hazilomuz munosabat bildirdi.Jeyk Pol, YouTube bloger
Biz uyda o‘zimizni bunday tutmaymiz. Bunday bo‘lishi mumkin emas. Ikkalasi ham uyga qaytganda, ular bilan jiddiy suhbatlashib qo‘yaman.Yengil vazn toifasi bo‘yicha UFC sobiq chempioni Habib Nurmagomedov o‘z Twitter sahifasida Masvidalni yonini oldi.Kamaru Usmon, UFC chempioni
Agar siz oktagonda kimdandir kuchliroq bo‘lsangiz, bu sizga uning farzandlarini haqorat qilishingiz mumkin degani emas. Birovning oilasini haqorat qilishga hech kimning haqqi yo‘q.6-mart kuni UFC 272 musobaqasining asosiy jangi Kolbi Kovington va Xorxe Masvidal o‘rtasida bo‘lib o‘tgan edi. Besh raund davom etgan jangning katta qismi Kovington ustunligi ostida o‘tgan va yakunda hakamlar yakdil ovoz bilan Kolbining g‘alabasini qayd etgandi.Bu yo‘ldan bordingizmi, so‘zlaringizga javob berishga tayyor bo‘ling. Sizga xuddi o‘zingizdek professional jangchi hujum qildi va siz unga qarshi ayblov qo‘yish uchun politsiyaga murojaat qilasizmi?
Menimcha, barcha yarim o‘rta vazndagilar Kolbi bilan oktagonga chiqmasligi kerak. Mayli u jangsiz qolsin. Bu unga va birovning oilasini haqorat qiladigan jangchilarga ta’sir qilishi mumkin.
U bilan nimadir ishingiz bo‘lsa, restorandan izlash kerak.
Habib Nurmagomedov, sobiq UFC chempioni
Izoh (0)