UFC жангчилари Хорхе Масвидал ва Колби Ковингтон 22 март куни Майамидаги ресторанларнинг бирида муштлашиб кетди.
«Юзингни кўрсат, қандай аҳволга тушганингни уларга кўрсат. Мен Дейд округиданман, бу ерда факт билан гапиришинг керак. Менинг ҳудудимда ҳаммаси худди шундай ҳал қилинади», — деган Масвидал.
Муштлашувдан сўнг полиция чақирилган. Хабарларга кўра, Колбининг тиши синган.
Майами полицияси жанжал бўйича тергов ҳаракатлари бошлаганини эълон қилган. Жабрланган томоннинг шахсий маълумотларини ҳимоя қилувчи Марси қонуни қўлланилиши сабабли Ковингтон полиция ҳисоботида жабрланувчи сифатида кўрсатилмаган.
Ҳуқуқ-тартибот идоралари маҳаллий вақт билан соат 23:54 да қўнғироқ бўлгани ва улар ресторан ёнига етиб келганда жабрланувчининг қўли кўкарган ва тиши синган ҳолда топилганини таъкидлаган. Муштлашувдан 48 соат ўтиб, Масвидал ҳибсга олинган.
37 ёшли жангчига оғир вазиятда муштлашиш ва безорилик бандлари бўйича жиноят иши очилган.
Хорхе ҳозирда 15 минг доллар гаров эвазига Майамидаги Турнер Гилфорд Найт тузатиш марказида бўлиб турибди. Агар спортчи айбдор деб топилса, 15 йилгача қамоқ жазоси ёки ўн минг доллар жаримага тортилиши мумкин.
Масвидал ва Ковингтон жанжали жамоатчиликда турли реакцияларни келтириб чиқарди. YouTube блогер Жейк Пол ўз Twitter саҳифасида ушбу жанжалга шундай муносабат билдирди.
Факт №1: Хорхе Колбига пистирма қилгани учун аҳмоқ. Қафасда калтаклай олмагач, яширинча ҳужум қилишга қарор қилдингми?Енгил вазн бўйича UFC чемпиони Камару Усмон эса ушбу воқеага ҳазиломуз муносабат билдирди.Жейк Пол, YouTube блогер
Биз уйда ўзимизни бундай тутмаймиз. Бундай бўлиши мумкин эмас. Иккаласи ҳам уйга қайтганда, улар билан жиддий суҳбатлашиб қўяман.Енгил вазн тоифаси бўйича UFC собиқ чемпиони Ҳабиб Нурмагомедов ўз Twitter саҳифасида Масвидални ёнини олди.Камару Усмон, UFC чемпиони
Агар сиз октагонда кимдандир кучлироқ бўлсангиз, бу сизга унинг фарзандларини ҳақорат қилишингиз мумкин дегани эмас. Бировнинг оиласини ҳақорат қилишга ҳеч кимнинг ҳаққи йўқ.6 март куни UFC 272 мусобақасининг асосий жанги Колби Ковингтон ва Хорхе Масвидал ўртасида бўлиб ўтган эди. Беш раунд давом этган жангнинг катта қисми Ковингтон устунлиги остида ўтган ва якунда ҳакамлар якдил овоз билан Колбининг ғалабасини қайд этганди.Бу йўлдан бордингизми, сўзларингизга жавоб беришга тайёр бўлинг. Сизга худди ўзингиздек профессионал жангчи ҳужум қилди ва сиз унга қарши айблов қўйиш учун полицияга мурожаат қиласизми?
Менимча, барча ярим ўрта вазндагилар Колби билан октагонга чиқмаслиги керак. Майли у жангсиз қолсин. Бу унга ва бировнинг оиласини ҳақорат қиладиган жангчиларга таъсир қилиши мумкин.
У билан нимадир ишингиз бўлса, ресторандан излаш керак.
Ҳабиб Нурмагомедов, собиқ UFC чемпиони
Изоҳ (0)