“Barselona” himoyachi Ronald Arauxo va yarim himoyachi Gavi bilan ham shartnomani uzaytirmoqchi.
Ikkala futbolchining amaldagi shartnomasi 2023-yil yozida o‘z nihoyasiga yetadi.
Marca nashrining xabariga ko‘ra, futbolchilarning “ko‘k-anorranglilar”ning so‘nggi taklif qilingan shartnomasini rad etgan. Umumiy hisobda “Barselona” urugvaylik va ispaniyalik futbolchiga uch marotaba yangi bitim taklif qilgan.
Kataloniyaliklar rahbariyati futbolchilarning jamoa uchun muhimligini tushunib turibdi, lekin ularga katta maosh va’da qilmoqchi emas, deya xabar beradi Diario Sport. “Barselona” aniq pozitsiyani egalladi: futbolchilarga taklif qilinadigan yangi shartnomalarda moliyaviy tomondan kichik o‘zgarishlar bo‘lishi mumkin.
Gavi va Arauxoning agentlari “Barselona” yaxshilangan taklif yuborishini kutmoqda. Ular sezilarli o‘zgarishlar kutayotgan bo‘lsa-da, kataloniyaliklar shartnomada kichik o‘zgarishlar qilishni maqsad qilgan.
“Ko‘k-anorranglilar” hamon iqtisodiy tomondan og‘ir ahvolda. Xoan Laporta o‘zidan avvalgi rahbar Xosep Bartomeuning xatosini takrorlamoqchi emas va maoshlarni oshirib yubormaydi. “Barselona” Gavi va Arauxo jamoada qolishni istasa, loyihaing sport tomoniga e’tibor qaratishini xohlaydi. Klub boshqa jamoalar va’da qilayotgan maoshni to‘lay olmaydi.
Qayd etilishicha, futbolchilar Kataloniyada qolishni istaydi. Ayniqsa, hozir Xavi boshchiligidagi jamoaning istiqboli borligini ko‘rganidan so‘ng.
Eslatib o‘tamiz, Ronald Arauxo 2018-yilda “Barselona” safiga kelib qo‘shilgan edi. 2020-yildan buyon asosiy jamoada to‘p surib kelmoqda. Klub tarbiyalanuvchisi Gavi esa 2021-yil avgust oyida Kataloniya jamoasidagi debyutini nishonlagan edi.
Izoh (0)