Moskvaning Tver tuman sudi Meta kompaniyasini (Facebook va Instagram’ga egalik qiladi) “ekstremist tashkilotlar” deb e’lon qildi va mazkur ijtimoiy tarmoqlarning Rossiyadagi faoliyati rasman taqiqlandi, deb xabar bergan “Interfaks”.
Sudning qarorida Instagram va Facebook’ni taqiqlash qarori zudlik bilan ijro etilishi belgilangan. Meta faoliyatiga nisbatan taqiq Whatsapp’ga nisbatan tatbiq qilinmaydi, deya bayonot bergan sudya.
Rossiya Bosh prokuraturasi Meta’ni “ekstremistik tashkilot” deb topishni talab qilgan, sababi kompaniya Facebook hamda Instagram’da ayrim mamlakatlarning rossiyalik harbiylarga nisbatan tahdidlari va chorlovlarini o‘chirishni rad qilgan, shuningdek, Vladimir Putin va Aleksandr Lukashenkoga nisbatan o‘lim tilaklarini ham o‘chirmagan (14-martda Meta prezidentlarga nisbatan o‘lim tilagini yozib post qoldirishni taqiqlagandi).
Rossiya 4-martda Facebook’ni, 14-martda esa Instagram’ni taqiqlagan. Rossiya Bosh prokuraturasi vakili sudda Meta “ekstremist tashkilot” deb e’lon qilinganidan keyin Facebook va Instagram’da rossiyalik foydalanuvchilarni blokirovkani VPN ilovalar orqali aylanib o‘tgani uchun jazolanmasligini qayd etgan.
Avval Rossiya tergov qo‘mitasi Meta xodimlariga nisbatan ekstremizmga ochiqchasiga chaqiriqlar qilgani uchun jinoiy ish ochgandi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)