Москванинг Тверь туман суди Meta компаниясини (Facebook ва Instagram’га эгалик қилади) «экстремист ташкилотлар» деб эълон қилди ва мазкур ижтимоий тармоқларнинг Россиядаги фаолияти расман тақиқланди, деб хабар берган «Интерфакс».
Суднинг қарорида Instagram ва Facebook’ни тақиқлаш қарори зудлик билан ижро этилиши белгиланган. Meta фаолиятига нисбатан тақиқ Whatsapp’га нисбатан татбиқ қилинмайди, дея баёнот берган судья.
Россия Бош прокуратураси Meta’ни «экстремистик ташкилот» деб топишни талаб қилган, сабаби компания Facebook ҳамда Instagram’да айрим мамлакатларнинг россиялик ҳарбийларга нисбатан таҳдидлари ва чорловларини ўчиришни рад қилган, шунингдек, Владимир Путин ва Александр Лукашенкога нисбатан ўлим тилакларини ҳам ўчирмаган (14 мартда Meta президентларга нисбатан ўлим тилагини ёзиб пост қолдиришни тақиқлаганди).
Россия 4 мартда Facebook’ни, 14 мартда эса Instagram’ни тақиқлаган. Россия Бош прокуратураси вакили судда Meta «экстремист ташкилот» деб эълон қилинганидан кейин Facebook ва Instagram’да россиялик фойдаланувчиларни блокировкани VPN иловалар орқали айланиб ўтгани учун жазоланмаслигини қайд этган.
Аввал Россия тергов қўмитаси Meta ходимларига нисбатан экстремизмга очиқчасига чақириқлар қилгани учун жиноий иш очганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)