Xitoyda bortida 132 nafar odam bo‘lgan Boeing halokatga uchradi. Hodisadan keyin China Eastern kompaniyasi Boeing 737-800 samolyotlaridan foydalanishni to‘xtatdi

Xitoy janubida China Eastern aviakompaniyasining Boeing 737 samolyoti halokatga uchradi, deya xabar bergan CGTV telekanali.

Layner Xitoyning Kunmin shahridan Guanchjouga parvoz qilayotgandi. Samolyot Guansi avtonom viloyati hududiga qulagan. Aviahalokat yuz bergan hududda o‘rmon yong‘in kuzatilgan va hodisani bartaraf qilish uchun 500 dan ziyod qutqaruvchi jalb etilgan. China Eastern kompaniyasi aviahalokat oqibatida halok bo‘lganlar orasida xorij davlatlari fuqarolarining yo‘qligini ma’lum qilgan. Ijtimoiy tarmoqlarda samolyot halokati aks etgan videolar tarqalgan.

Shuningdek, aviahalokat tufayli China Eastern o‘z ixtiyoridagi Boeing 737-800 samolyotlaridan foydalanishni vaqtincha to‘xtatgan, deyiladi CGTN xabarida. Reuters agentligining FlightRadar24 ma’lumotlariga asoslanib yozishicha kompaniyada bunday modeldagi 109 ta uchoq mavjud.