AQSH Anqara Ukrainaga Rossiyadan xarid qilingan C-400 raketaga qarshi mudofaa tizimlarini berishi uchun Turkiya bilan muzokaralar o‘tkazmoqda. Buni Pentagon vakili Sky News Arabia telekanaliga tasdiqlagan.
Harbiy idora vakilining so‘zlariga ko‘ra, Anqaraga C-400 dan voz kechish va ularni Ukrainaga yuborish taklif qilinmoqda. Buning evaziga Turkiyadan Amerika sanksiyalar olib tashlanadi va u F-35 qiruvchi samolyotlarni ishlab chiqarish dasturiga qaytishi mumkin bo‘ladi.
Reuters agentligi manbasining ma’lum qilishicha, Turkiya Moskva bilan munosabatlarni buzishni xohlamasligi sabab, bu kabi kelishuvga ko‘nmasligi mumkin.
Turkiya 2017-yilda Rossiyadan 2,5 milliard dollar evaziga C-400 tizimlarini sotib olishini e’lon qilgan va ularning birinchi partiyasi oradan ikki yil o‘tgach yetkazib berilgan edi. NATOga a’zo davlatning bu kabi qarori AQSH tomonidan keskin qoralangan edi — Anqaraga qarshi sanksiyalar joriy etildi, shuningdek, Vashington Turkiyani F-35 qiruvchi samolyotlarini ishlab chiqarish dasturidan chiqarib yubordi.
Izoh (0)