Navro‘z bayrami munosabati bilan 2022-yil 19-mart kuni soat 05:00 dan 21-mart kuni soat 00:00 ga qadar Toshkent—Piskent 4R2 avtomobil yo‘lining 29–35-kilometrlarida (Nurafshon shahriga kirish YPX postidan Nurafshon shahri Davlat xizmatlari markazigacha) vaqtincha avtomobil harakati cheklanadi. Bu haqda Toshkent viloyati IIBB YHXB axborot xizmati xabar berdi.
Ma’lum qilinishicha, ushbu hududda yashovchi aholi transportlari bilan mahallaga kirib chiqishlari uchun sharoit yaratiladi.
“Xavfsizlikni ta’minlash va umumxalq bayramini ko‘tarinki kayfiyatda o‘tkazish uchun yo‘l harakati qatnashchilaridan cheklovlarni to‘g‘ri qabul qilgan holda, YPX xodimlarining ko‘rsatmalariga qat’iy amal qilishlarini so‘raymiz”, — deyiladi xabarda.
Avvalroq Shavkat Mirziyoyev 2022-yilgi Navro‘z bayramiga tayyorgarlik ko‘rish va uni nishonlash to‘g‘risidagi qarorni imzolagandi. Unga ko‘ra, umumxalq bayrami mamlakatda “Assalom, Navro‘z — yangilanish, mehr-oqibat va qadr-qimmat ayyomi!” degan bosh g‘oya asosida umumxalq sayllari shaklida keng nishonlanadi. Prezident farmonida barcha xodimlar uchun 22-mart, seshanba va 23-mart, chorshanba kunlari dam olish kuni etib belgilangan.
Haftasiga besh kun ishlaydigan xodimlar uchun:
- 19-mart, shanba — dam olish kuni;
- 20-mart, yakshanba — dam olish kuni;
- 21-mart, dushanba — Navro‘z bayrami, dam olish kuni;
- 22-mart, seshanba — qo‘shimcha ishlanmaydigan kun;
- 23-mart, chorshanba — qo‘shimcha ishlanmaydigan kun bo‘ladi.
Izoh (0)