O‘zbekiston hududiga 18-mart kuni Rossiyaning Yevropa qismidan sovuq havo massasi kirib keldi, respublika hududining katta qismida beqaror ob-havo saqlanib turadi, deb xabar bermoqda “O‘zgidromet”.
Qayd etilishicha, Toshkent, Samarqand, Jizzax, Sirdaryo, Qashqadaryo, Surxondaryo viloyatlarida kunning birinchi yarmida vaqti-vaqti bilan yog‘ingarchilik (yomg‘ir, qor), Farg‘ona vodiysi viloyatlarida yog‘ingarchilik kuchli bo‘ladi. Qoraqalpog‘istonda, Xorazm, Buxoro, Navoiy viloyatlarida yog‘ingarchilik kutilmaydi. Respublika bo‘yicha ba’zi joylarda shamol tezligi 15-20 metr/sekundgacha, Surxondaryo, Andijon, Namangan, Farg‘ona viloyatlarida 22-27 metr/sekundgacha kuchayishi mumkin. Havo harorati kunduz kuni 4-7 daraja iliqdan oshmaydi.
19-mart, shanba kuni faqat Farg‘ona vodiysi viloyatlarida, shuningdek, respublikaning tog‘oldi va tog‘li hududlarida biroz yog‘ingarchilik (asosan qor ko‘rinishida) saqlanib turadi. Havo harorati kechasi 2 daraja sovuq-3 daraja iliqqacha pasayadi, kunduzi 5-10 daraja iliqni tashkil etadi.
Yakshanba kuni respublikaning katta qismida quruq va o‘rtacha iliq ob-havo kuzatiladi, faqat Qoraqalpog‘istonning shimolida ba’zi joylarda biroz qor kuzatiladi. Havo harorati kechasi 2 daraja sovuq-3 daraja iliqni, kunduzi 7-12 daraja iliqni tashkil etadi.
18—19-mart kunlari respublikaning tog‘oldi va tog‘li hududlarida sel kelishi xavfi bor. Shuningdek, respublikaning tog‘li hududlarida qor ko‘chishi xavfi bor.
Mavzuga doir:
- Kuchli yog‘ingarchilik davrida bulutlarga ta’sir ko‘rsatilsa, yana ham ko‘p yomg‘ir yog‘ib, katta talafotlar ro‘y berishi mumkin — “O‘zgidromet”
- O‘zbekistonda kuzatilayotgan noqulay ob-havo sharoitida mevali daraxtlarni himoya qilish bo‘yicha tavsiyalar e’lon qilindi
- O‘zbekistonda bahorgi sovuqlar davrida qishloq xo‘jaligi mahsulotlari yetishtiruvchilarni qo‘llab-quvvatlash uchun tezkor guruhlar tashkil etildi
- Toshkentda deyarli 2 oylik yog‘ingarchilik miqdoridagi yomg‘ir yog‘di — “O‘zgidromet”
Izoh (0)