Toshkent shahridagi “Anhor” bog‘i auksionga qo‘yilgan edi. “E-auksion” portalidan bog‘ sotilmagani ma’lum bo‘ldi.
Bog‘ 2016-yilda qurilgan. Uning faoliyat turi xizmat ko‘rsatishdan iborat bo‘lib, 8,35 gektar maydonda joylashgan.
Umumiy maydon 17 950 kvadrat metrni tashkil etadi. Foydali maydon — 41 466 kvadrat metr. Obyekt hududida gaz, suv, elektr ta’minoti va kanalizatsiya tizimi mavjud.
“Anhor”da 1 821 kvadrat metr maydonda noqonuniy qurilgan bino mavjud. Hozirgi kunda uni buzish ishlari olib borilmoqda.
Boshlang‘ich narx — 376,48 mlrd so‘m etib belgilangan edi. Auksion 18-mart 10:00 da boshlangan edi. Bog‘ yaqin kunlarda qayta sotuvga qo‘yilishi rejalashtirilmoqda.
Avvalroq Jizzaxda qurilishi tugallanmagan ko‘p qavatli bino 5,6 mlrd so‘mga auksionga qo‘yilgani haqida xabar berilgan edi.
Izoh (0)