Тошкент шаҳридаги «Анҳор» боғи аукционга қўйилган эди. «E-auksion» порталидан боғ сотилмагани маълум бўлди.
Боғ 2016 йилда қурилган. Унинг фаолият тури хизмат кўрсатишдан иборат бўлиб, 8,35 гектар майдонда жойлашган.
Умумий майдон 17 950 квадрат метрни ташкил этади. Фойдали майдон — 41 466 квадрат метр. Объект ҳудудида газ, сув, электр таъминоти ва канализация тизими мавжуд.
«Анҳор»да 1 821 квадрат метр майдонда ноқонуний қурилган бино мавжуд. Ҳозирги кунда уни бузиш ишлари олиб борилмоқда.
Бошланғич нарх — 376,48 млрд сўм этиб белгиланган эди. Аукцион 18 март 10:00 да бошланган эди. Боғ яқин кунларда қайта сотувга қўйилиши режалаштирилмоқда.
Аввалроқ Жиззахда қурилиши тугалланмаган кўп қаватли бино 5,6 млрд сўмга аукционга қўйилгани ҳақида хабар берилган эди.
Изоҳ (0)