DXX Samarqand viloyati boshqarmasi hamda viloyat IIB xodimlari hamkorligida o‘tkazilgan tezkor tadbirda O‘zbekiston fuqarolarini aldab, ularni Meksika orqali AQSHga noqonuniy yuborish bilan shug‘ullanuvchi jinoiy guruh faoliyatiga chek qo‘yildi. Bu haqda “Daryo”ga DXX Samarqand viloyat boshqarmasi ma’lum qildi.
Ta’kidlanishicha, Samarqand shahrida yashovchi 1980-yilda tug‘ilgan R.O. va 1979-yilda tug‘ilgan S.R. mahalliy fuqaroni 32000 dollar evaziga Meksika davlatining aylanma yo‘llari orqali AQSHga yuborishini va’da qilgan.
Jinoiy guruh a’zolari fuqarolar bilan kelishilgan pulning 7000 dollarini olgan vaqtida ashyoviy dalillar bilan ushlangan.
Hozirda jinoiy guruh a’zolariga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Izoh (0)