Farg‘ona shahri ko‘chalarida velosipedga o‘rnatilgan ko‘chma kitob do‘koni paydo bo‘ldi, deya xabar berdi “Daryo” muxbiri.
Sayyor kitob do‘koni tashkil qilgan Sardor Madg‘oziyevning aytishicha, u anchadan buyon ko‘chma kitob do‘koni tashkil etishni rejalashtirgan. Shu maqsadda internet orqali xorij davlatlari tajribasini o‘rganib, yangi loyihani ishlab chiqqan.
Sayyor kitob do‘koni velosipedga mahalliy ustalar yordamida moslashtirilgan.
Ma’lum qilinishicha, ixcham va har tomonlama qulay bo‘lgan do‘kon barcha xarajatlari bilan o‘n million so‘mga tushgan. Ayni kunlarda velosipedda harakatlanayotgan sayyor kitob do‘koni Farg‘ona shahrining aholi gavjum joylarida yurib, kitobxonlarga xizmat ko‘rsatmoqda.
Izoh (0)