ДХХ Самарқанд вилояти бошқармаси ҳамда вилоят ИИБ ходимлари ҳамкорлигида ўтказилган тезкор тадбирда Ўзбекистон фуқароларини алдаб, уларни Мексика орқали АҚШга ноқонуний юбориш билан шуғулланувчи жиноий гуруҳ фаолиятига чек қўйилди. Бу ҳақда «Дарё»га ДХХ Самарқанд вилоят бошқармаси маълум қилди.
Таъкидланишича, Самарқанд шаҳрида яшовчи 1980 йилда туғилган Р.О. ва 1979 йилда туғилган С.Р. маҳаллий фуқарони 32000 доллар эвазига Мексика давлатининг айланма йўллари орқали АҚШга юборишини ваъда қилган.
Жиноий гуруҳ аъзолари фуқаролар билан келишилган пулнинг 7000 долларини олган вақтида ашёвий далиллар билан ушланган.
Ҳозирда жиноий гуруҳ аъзоларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Изоҳ (0)