Rossiya hakamlik sudlari veb-saytlarining bosh sahifalari xakerlar hujumiga uchradi, deb yozmoqda “Interfaks”.
Moskva vaqti bilan soat 05:00 (Toshkent vaqti bilan 07:00) atrofida xakerlar Primorsk, Krasnoyarsk va Xabarovsk o‘lkalari, Novosibirsk va Kursk viloyatlari, Moskva va Ural federal okrugining beshta viloyati hakamlik sudlariga hujum qilgani ma’lum bo‘ldi.
Buzilgan veb-saytlarda “siyosiy bayonotlar”, paydo bo‘lgan. Sota va “Grati” nashrlari Xabarovsk va Qrim hakamlik sudlari saytlarining bosh sahifalaridan skrinshotlarni chop etdi. Xakerlar sahifalarga Rossiya prezidenti Vladimir Putinni “1-raqamli terrorchi” deb atagan matnni joylashtirgan. Unda shuningdek, Putinga nisbatan impichment e’lon qilinishi va siyosiy mahbuslarga erkinlik berilishi talab qilingan.
Moskva vaqti bilan soat 08:30 ga kelib, Moskva, Sankt-Peterburg, Novosibirsk, Amur va Sverdlovsk viloyatlari hakamlik sudlarining veb-saytlari ishlamay qolgan. Irkutsk sudining sayti odatdagidek ishlamoqda.
Eslatib o‘tamiz, Rossiyaning Ukrainaga bosqini boshlangandan so‘ng Anonymous xakerlik guruhi Rossiya hukumatiga qarshi “kiberurush” e’lon qilgandi.
Mavzuga doir:
- Ukraina raqamlashtirish vazirligi TIV hamda hukumat saytiga DDoS hujum uyushtirilganini xabar qildi
- Moskvada The Infraud Organization xakerlar guruhining asoschisi deb hisoblanadigan shaxs hibsga olindi. AQShda ushbu guruh yarim milliard dollarni o‘marishda ayblanmoqda
- Yevropa Ittifoqida kiberhujumlarga qarshi kurash bo‘yicha mashg‘ulotlar boshlandi — Bloomberg
Izoh (0)