Ukraina Radasi Britaniyadan olingan 1,7 mln funtlik kredit hisobiga Ukraina armiyasining 2022-yil uchun sarf-xarajatlarini oshirdi

Ukraina davlat budjetining qurol-yaroq va harbiy texnika sotib olish uchun sarf-xarajatlarini Buyuk Britaniyadan olingan 1,7 milliard funtlik kredit evaziga 67,57 milliard grivenga oshirdi. Mablag‘ Ukraina quruqlikdagi harbiy kuchlarini rivojlantirishga sarflanadi, deya xabar bergan “Interfaks”.

Oliy radaning mazkur qonuni 342 ta ovoz bilan 15-martda ma’qullangan.

Qonunga ko‘ra 2022-yil uchun davlat budjeti sarf-xarajatlari maxsus jamg‘armani 593,5 milliard grivenga kengaytirish hisobiga 1 trillion 525,93 million grivenga oshirilgan.

Bir vaqtning o‘zida davlat budjeti defitsitining chegarasi 188,8 milliard grivendan 256,36 milliard grivenga oshirildi, maxsus jamg‘armada esa 96,1 milliard grivenga yetkazilgan.

Bundan tashqari davlat budjetidan rejadagi daromadlarga nisbatan davlat kafolatlarini ta’minlanishi uchun 3 foizlik cheklov, shu bilan birga 10 milliard griven va 20 milliard griven portfel kafolatlari hamda mamlakatning mudofaa kuchini oshirish uchun kreditlardagi kafolat olib tashlangan.

Shuningdek, qonunda yo‘l fondidan foydalanishga nisbatan cheklovlar joriy qilingan.

“Ular, avvalo, davlatning qarz majburiyatlari, mudofaa, tarmoqni rivojlantirish va yo‘llarni moliyalashtirishga sarf qilinadi”, – deya hujjatga sharh bergan “Sluga naroda” fraksiyasi.

Qonunda keltirilgan sharhda qayd etilishicha, Ukraina Britaniyaning ikki kemasoz korxonasi, ularning yetkazib beruvchilari va xizmat ko‘rsatuvchilari bilan sakkizta raketa katerini qurish, mavjud kemalarni qurollantirish tizimlari bilan ta’minlash ishlari uchun davlat investitsiya loyihalarini amalga oshiradi. Bundan tashqari harbiy kemani birgalikda barpo qilish, harbiy dengiz infratuzilmasi uchun qurilmalar yetkazish, ushbu sohani rivojlantirish yuzasidan masalahatlashuv va texnik qo‘llab-quvvatlash hamkorligi yo‘lga qo‘yiladi.

Oliy rada yanvar oxirida harbiy dengiz kuchlari hamda quruqlikdagi harbiy kuchlarini rivojlantirish uchun kredit olish to‘g‘risdagi kelishuvni ratifikatsiya qilgandi. Hujjat 2021-yil 12-noyabrda Londonda imzolangan va unda 8 ta raketa keterini qurishga mablag‘ ajratish, Birlashgan qirollikdan tral bilan jihozlangan ikkita kema olish, shuningdek, Ukrainada ikki harbiy dengiz bazalari qurish nazarda tutilgan.