16-mart kuni “AvtoVAZ” Rossiyada ham, O‘zbekistonda ham LADA avtomobillari narxini oshirdi. Bu kompaniyaning yangilangan prays listidan ma’lum bo‘ldi.
Har bir modellar narxi to‘liq 10 millionga o‘sdi:
- Vesta narxi endilikda 170,9 mln so‘mdan;
- XRAY — 178,9 mln so‘mdan;
- Yangi Largus — 172,9 mln so‘mdan;
- Niva Legend — 162,9 mln so‘mdan;
- Niva Travel — 214,9 mln so‘mdan boshlanadi.
“AvtoVaz” mart oyi boshidan beri ikkinchi marta narxlarni ko‘tardi. Birinchisi 1-mart kuni, O‘zbekistonda narxlar 3-10 foizga oshganida bo‘lgan edi.
Qimmatlashuv sabablari ma’lum qilinmayapti, ammo bozorda buni avtomobillarning yetishmasligi, elektron ehtiyot qismlarning tanqisligi, ta’minot zanjirining buzilishi, valyuta kurslari, metall bahosining oshishi va boshqalar bilan bog‘lashmoqda.
Avvalroq UzAuto Motors avtomobillarning yangilangan narxlarini e’lon qilgani haqida xabar berilgan edi.
Izoh (0)