O‘zbekistonda 1-martdan boshlab LADA avtomobillari narxi 3 foizdan 10 foizga oshdi

1-mart kuni “AvtoVAZ” Rossiyada ham, O‘zbekistonda ham LADA avtomobillari narxini oshirdi. Bu kompaniyaning yangilangan prays listidan ma’lum bo‘ldi.

Rossiyada narxlar o‘rtacha 15 foizga oshgan bo‘lsa, O‘zbekistonda model qatoriga qarab 3 foizdan 10 foizgacha:

• Vesta narxi endilikda 160,9 mln so‘mdan boshlanadi (+3,8 foiz);
• XRAY — 171,9 mln so‘mdan (+3 foiz);
• Yangi Largus — 162,9 mln so‘mdan (+5,8 foiz);
• Niva Legend — 152,9 mln so‘mdan (+4,8 foiz);
• Niva Travel — 204,9 mln so‘mdan (+9,6 foiz).

“AvtoVAZ” narxlarning oshish sababini oshkor qilmadi, ammo bozordagilar bunga nafaqat mikrosxemalar tanqisligi, balki rubl qadrsizlanishi ham sabab bo‘lganini aytishmoqda.

Avvalroq UzAuto Motors avtomobillarning yangilangan narxlarini e’lon qilgani haqida xabar berilgan edi.