Namangan viloyati Davlatobod tumanidagi “Coliseum Plus” MChJga qarashli “Rim” restorani kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, 2018-yilda qurilgan 3 qavatli restoran 40 dan ortiq xonadan iborat. 0,31 gektar yer maydonida joylashgan restoranning umumiy maydoni 2 200 kvadrat metrni tashkil etadi.
Restoran bir vaqtning o‘zida 500 ta xo‘randani sig‘dira oladi. Umumiy ovqatlanish joyida gaz, suv, elektr ta’minoti va kanalizatsiya mavjud. Restoran barcha turdagi tovar va moddiy boyliklar bilan savdoga qo‘yilmoqda.
Avvalroq Toshkent viloyatidagi chorvachilik xo‘jaligi 62 mlrd so‘mga auksionga qo‘yilgani haqida xabar berilgan edi.
Izoh (0)