Alisher Usmonov tomonidan asos solingan USM xoldingi “Kapitalbank” aksiyalarini sotdi. Bu haqda bank matbuot xizmati ma’lum qildi.
Xolding, o‘zining ikkita “Telekominvest” (Rossiya) va FINANCE TCI MChJ (O‘zbekiston) kompaniyalari orqali “Kapitalbank”ning 64,51 foiz aksiyalariga egalik qilar edi. Ularning ikkovi ham endilikda USM’ga tegishli emas.
Kelishuv “Kapitalbank” biznesini rivojlantirishdan manfaatdor bo‘lgan bir guruh xususiy sarmoyadorlar tashabbusi bilan imzolangan. Tijorat shartlari oshkor etilmagan.
Avvalroq Yevropa Ittifoqi Alisher Usmonovga nisbatan sanksiyalar joriy qilgani haqida xabar berilgan edi, ammo USM’da ta’kidlashlaricha, bu xolding kompaniyalariga ta’sir etmaydi.
Izoh (0)