Rossiya Qurolli kuchlari Ukrainadagi Xerson viloyati hududini to‘liq nazoratga oldi. Bu haqda Rossiya Mudofaa vazirligi rasmiy vakili Igor Konashenkovga tayanib, “Interfaks” xabar berdi.
“Rossiya Qurolli kuchlari tomonidan Xerson viloyatining butun hududi to‘liq nazorat ostiga olindi. Donetsk Xalq Respublikasi qo‘shinlari hujum operatsiyalarini davom ettirib, ukrain millatchilarining mudofaasini yorib o‘tib, ‘Panteleymonovka’ aholi punktini nazoratga oldi va ‘Verxnetoreskoye’ — ‘Novoselovka-2’ chizig‘iga yetib bordi”, — deydi Konashenkov.
Shuningdek, idora Ukrainaning havo va yerdagi turli texnikalari, xususan, Kramatorsk shahri yaqinidagi harbiy aerodrom angarida saqlangan to‘rtta Su-25 samolyoti, bitta Mi-24 hamda beshta Mi-8 vertolyoti yo‘q qilinganini ma’lum qilgan.
Ma’lumotlarga ko‘ra, urush boshlanganidan buyon Rossiya harbiylari tomonidan 156 ta uchuvchisiz uchish apparati, 1306 ta tank va boshqa turdagi zirhlangan jangovar mashinalar, 127 ta reaktiv zalp o‘t ochish tizimi, 471 ta dala artilleriyasida va minomyoti, shuningdek, 1054 ta maxsus harbiy avtomobil texnikasiga yo‘q qilingan.
Avvalroq Ukraina hukumati Xerson viloyatining bir qismi Rossiya qo‘shinlari tomonidan egallab olinganini ma’lum qilgandi. Xerson viloyati prokuraturasi Rossiyaning viloyatda “noqonuniy referendum” o‘tkazish va XXR nomi ostida respublika tashkil etish rejalari haqida aytgan. Shu sababli idora jinoyat ishi qo‘zg‘atgan. Bundan tashqari, mahalliy deputatlarni rossiyalik harbiylar bilan hamkorlik qilishga ko‘ndirishga urinilayotgani ma’lum qilingan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)