Xitoy xalq-ozodlik armiyasi 14-mart kuni Tayvan sohillariga harbiy havo kuchlarining 13 ta samolyotini yo‘naltirdi. Bu haqda Tayvan Mudofaa vazirligi xabar bergan.
Samolyotlar orol shimolidagi Taoyuan shahridagi harbiy zaxira askarlari o‘quv mashg‘ulotlarini o‘tkazayotgan hudud ustidan uchib o‘tgan.
Tayvan mudofaa idorasining Twitter’dagi bayonotida orol hududiga 13 ta jangovar samolyot kirgani, ular orasida 7 ta J-10 va 5 ta J-16 qiruvchi samolyotlari borligi qayd etilgan.
Vazirlik Xitoyning Tayvan havodan himoya tizimini o‘rganish uchun deyarli har kuni harbiy havo kuchlarining samolyotlarini orolga uchirayotgani, biroq ushbu parvozlardagi uchoqlar soni sutkasiga 5 tadan oshmaganini bildirgan.
Avval Xitoy AQShdan Tayvanga qurol-yarog‘ yetkazib berishni to‘xtatishni talab qilgani va AQShni Tayvan mustaqilligini rag‘batlantirish harbiy ziddiyatga olib kelishi haqida ogohlantirgani haqida xabarlar berilgan.
Izoh (0)