Moliya vazirligi 2021-yil uchun Davlat budjeti daromadlarining ijrosi bo‘yicha dastlabki natijalarni taqdim etdi.
Unga ko‘ra, turli soliqlarning tushumlari qancha bo‘lganligi va qanchaga o‘zgargani ma’lum bo‘ldi.
Soliq organlari tomonidan yig‘ilgan tushumlar 2021-yilda 127,9 trln so‘mni tashkil etdi. Bu 2020-yil bilan solishtirganda 24,3 trln so‘mga yoki 23,5 foizga ko‘pdir.
2021-yilda soliq va bojxona organlari tomonidan ma’murlashtiriladigan QQS bo‘yicha tushumlar 52,8 trln so‘m bo‘ldi. Bu 2020-yil bilan solishtirganda 12,6 trln so‘mga oshdi.
Aksiz solig‘i tushumlari 2021-yilda 2020-yil bilan solishtirganda 1,4 trln so‘mga oshdi va 13,1 trln so‘mni tashkil etdi.
2021-yilda bojxona boji tushumi 4,8 trln so‘mni tashkil etdi yoki 2020-yil bilan solishtirganda 1,2 trln so‘mga oshdi.
Foyda solig‘i bo‘yicha tushumlar 38,4 trln so‘m bo‘lib, bir yilda 9,7 trln so‘mga oshdi.
Jismoniy shaxslardan olinadigan daromad solig‘i bo‘yicha tushumlar 18,9 trln so‘mni tashkil etdi. O‘sish ko‘rsatkichi 3,8 trln so‘mga teng bo‘ldi.
2021-yilda resurs soliqlari va mol-mulk solig‘i bo‘yicha umumiy tushumlar 23,0 trln so‘mni tashkil etdi. Bu 2020-yil bilan solishtirganda 1,8 trln so‘mga ko‘p.
Boshqa daromadlar va soliq bo‘lmagan to‘lovlar bo‘yicha tushumlar 2021-yilda 26,4 trln so‘mni tashkil etib, 131,8 foizga o‘sdi.
Avvalroq O‘zbekistonda soliq nazoratini videotasvirga olish va uni soliq to‘lovchiga taqdim etish yo‘lga qo‘yilishi haqida xabar berilgan edi.
Izoh (0)