2022-yilning 1-mart holatiga ko‘ra, O‘zbekistonda ro‘yxatdan o‘tgan xorijiy kapital ishtirokidagi korxona va tashkilotlar soni 13 982 tani tashkil etib, ulardan 13 531 tasi faoliyat yuritmoqda. Bu haqda Davlat statistika qo‘mitasi matbuot xizmati xabar bermoqda. 

Yanvar-fevral oylarida yangi tashkil etilgan korxonalarning davlatlar kesimida Turkiya yetakchilikni saqlab qoldi — 63 ta korxona. 

Ikkinchi o‘rinda Rossiya — 51, uchinchida Qozog‘iston — 29. Birinchi beshtalikdan Xitoy (25) va Koreya (14) ham o‘rin olgan. 

Shunday qilib, 2021-yilda turk kapitali ishtirokidagi korxonalar soni ko‘payishda davom etmoqda. Tahlilchilar bunga sabab qilib turk lirasining keskin qadrsizlanishini aytishmoqda.

Umumiy hisobda xorijiy kapital ishtirokidagi korxona va tashkilotlar bo‘yicha birinchi o‘rinda Rossiya bormoqda — 2 348 ta korxona. 

Qariyb 2 mingga yaqin korxonalar bilan Xitoy ikkinchi o‘rinda bormoqda — 1 958 ta. Uchinchi o‘rindagi Turkiya — 1 940 ta.