Surxondaryo viloyati Boysun tumanida 10-mart kuni mast holdagi fuqaro o‘z o‘yida ulfatini pichoqladi. Bu haqda Tergov departamenti xabar qildi.
Qayd etilishicha, 10-mart kuniga o‘tar kechasi soat 00:30 larda “Mustaqillik” mahallasida yashovchi Q.A. (21 yoshli) o‘zining yashash uyida mahalladoshi Q.M. (26 yoshl) bilan birgalikda spirtli ichimlik iste’mol qilgan. Mast holatda o‘zaro tortishib, janjallashib qolgan. Oqibatda Q.A. oshxona pichog‘i bilan Q.M.ning qorin qismiga bir marotaba sanchib, tan jarohati yetkazgan.
Boysun tumani sud tibbiy ekspertiza bo‘limining dastlabki ma’lumotnomasiga ko‘ra, Q.M.ga “hayot uchun xavfli bo‘lgan og‘ir” turdagi tan jarohati yetkazilgani aniqlangan.
Holat yuzasidan Q.A.ga nisbatan Jinoyat kodeksning 104-moddasi 2-qismi “l” bandi (qasddan badanga og‘ir shikast yetkazish) bilan jinoyat ishi qo‘zg‘atilib, u ehtiyot chorasi sifatida qamoqqa olingan. Hozirda tergov harakatlari davom etmoqda.
Izoh (0)