Nursulton Ro‘ziboyev professional boksdagi debyut jangida o‘zbekistonlik bokschini muddatidan avval mag‘lubiyatga uchratdi

Toshkentdagi “Yunusobod” sport majmuasida 14-mart kuni professional boks kechasi bo‘lib o‘tdi.

Akhmat Fight Promotion promouterlik kompaniyasi tomonidan tashkil etilgan kechaning markaziy bahsida MMA vakili Nursulton Ro‘ziboyev prof boksdagi ilk jangini o‘tkazdi.

79 kg vazn toifasida 6 raundga mo‘ljallangan jangda unga Toshkent viloyati vakili Bahrom Payozovni raqiblik qildi. Jang ikkinchi raundda o‘z nihoyasiga yetdi. Ro‘ziboyev texnik nokaut evaziga g‘alabani qo‘lga kiritdi.

Shu tariqa Nursulton Ro‘ziboyev professional boksdagi debyut jangida muddatidan avval g‘alabani tantana qildi. Uning MMA’dagi statistikasi quyidagicha — 34-9-2.

Payozov prof ringda umumiy hisobda 40 ta jang o‘tkazib, ularning 22 tasida g‘alabaga (15 ta nokaut) erishgan.