Нурсултон Рўзибоев профессионал боксдаги дебют жангида ўзбекистонлик боксчини муддатидан аввал мағлубиятга учратди

Тошкентдаги «Юнусобод» спорт мажмуасида 14 март куни профессионал бокс кечаси бўлиб ўтди.

Akhmat Fight Promotion промоутерлик компанияси томонидан ташкил этилган кечанинг марказий баҳсида MMA вакили Нурсултон Рўзибоев проф боксдаги илк жангини ўтказди.

79 кг вазн тоифасида 6 раундга мўлжалланган жангда унга Тошкент вилояти вакили Баҳром Паёзовни рақиблик қилди. Жанг иккинчи раундда ўз ниҳоясига етди. Рўзибоев техник нокаут эвазига ғалабани қўлга киритди.

Шу тариқа Нурсултон Рўзибоев профессионал боксдаги дебют жангида муддатидан аввал ғалабани тантана қилди. Унинг MMA’даги статистикаси қуйидагича — 34-9-2.

Паёзов проф рингда умумий ҳисобда 40 та жанг ўтказиб, уларнинг 22 тасида ғалабага (15 та нокаут) эришган.