Futbol bo‘yicha Ispaniya La Ligasining 28-turidan o‘rin o‘yinda “Real” 14-mart, dushanba kuni “Malyorka” bilan bahs yuritdi.
“Malyorka”da o‘tgan uchrashuv Karlo Anchelotti shogirdlarining yirik g‘alabasi bilan yakunlandi. Bellashuvning birinchi bo‘limida “Real” to‘liq ustunlikka ega bo‘ldi, biroq darvozaga yo‘l topa olmadi.
Faqat 55-daqiqaga kelibgina Vinisius Junior hisobni ochishga muvaffaq bo‘ldi. 77-daqiqada Karim Benzema 11 metrlik jarima zarbasini golga aylantirdi. Ushbu vaziyatda Vinisiusga nisbatan jarima maydonchasida qo‘pollik ishlatilgandi. O‘yin yakunlashi arafasida esa Benzema dublni rasmiylashtirgan holda hisobni yirik ko‘rinishga olib keldi — 3:0.
Shu tariqa “qirollik klubi” safarda kechgan bahsda yirik g‘alabaga erishib, chempionlik yo‘lidagi muhim bo‘lgan uch ochkoni qo‘lga kiritdi. Jamoa musobaqa jadvalida 66 ochko bilan peshqadamlik qilmoqda. 2-o‘rindagi “Sevilya”ning hisobida 56 ochko mavjud. “Malyorka” (26) esa 16-pog‘onani band etgan.
La Liga
28-tur bahsi
14-mart, dushanba
“Malyorka” – “Real” 0:3
Gollar: 0:1 – 55 Vinisius Junior, 0:2 – 77, penalti Benzema, 0:3 – 82 Benzema.“Malyorka”: Riko, Maffeo, Railyo, Valyent, Olivan, Dani Rodriges (Ndiaye, 79), Kubo (Li Kan In, 78), Baba (Grenye, 86), Sanches (Sevilya, 68), Anxel Rodriges (Prats, 68), Muriki.
“Real”: Kurtua, Alaba, Nacho, Mendi (Marselo, 80), Kroos, Kazemiro (Kamavinga, 61), Valverde (Modrich, 60), Vaskes (Karvaxal, 70), Benzema, Vinisius Junior, Rodrigo (Asensio, 71).
Ogohlantirishlar: Valverde (17), Vinisius Junior (30), Anxel Rodriges (30), Vaskes (52), Railyo (69), Maffeo (76).
Izoh (0)