Футбол бўйича Испания Ла Лигасининг 28-туридан ўрин ўйинда «Реал» 14 март, душанба куни «Мальорка» билан баҳс юритди.
«Мальорка»да ўтган учрашув Карло Анчелотти шогирдларининг йирик ғалабаси билан якунланди. Беллашувнинг биринчи бўлимида «Реал» тўлиқ устунликка эга бўлди, бироқ дарвозага йўл топа олмади.
Фақат 55-дақиқага келибгина Винисиус Жуниор ҳисобни очишга муваффақ бўлди. 77-дақиқада Карим Бензема 11 метрлик жарима зарбасини голга айлантирди. Ушбу вазиятда Винисиусга нисбатан жарима майдончасида қўполлик ишлатилганди. Ўйин якунлаши арафасида эса Бензема дублни расмийлаштирган ҳолда ҳисобни йирик кўринишга олиб келди — 3:0.
Шу тариқа «қироллик клуби» сафарда кечган баҳсда йирик ғалабага эришиб, чемпионлик йўлидаги муҳим бўлган уч очкони қўлга киритди. Жамоа мусобақа жадвалида 66 очко билан пешқадамлик қилмоқда. 2-ўриндаги «Севилья»нинг ҳисобида 56 очко мавжуд. «Мальорка» (26) эса 16-поғонани банд этган.
Ла Лига
28-тур баҳси
14 март, душанба
«Мальорка» – «Реал» 0:3
Голлар: 0:1 – 55 Винисиус Жуниор, 0:2 – 77, пенальти Бензема, 0:3 – 82 Бензема.«Мальорка»: Рико, Маффео, Раильо, Вальент, Оливан, Дани Родригес (Ндиае, 79), Кубо (Ли Кан Ин, 78), Баба (Гренье, 86), Санчес (Севилья, 68), Анхель Родригес (Прац, 68), Мурики.
«Реал»: Куртуа, Алаба, Начо, Менди (Марсело, 80), Кроос, Каземиро (Камавинга, 61), Вальверде (Модрич, 60), Васкес (Карвахаль, 70), Бензема, Винисиус Жуниор, Родриго (Асенсио, 71).
Огоҳлантиришлар: Вальверде (17), Винисиус Жуниор (30), Анхель Родригес (30), Васкес (52), Раильо (69), Маффео (76).
Изоҳ (0)