Gaz konlarini qidirish va o‘zlashtirish maqsadida “O‘zbekneftgaz” AJ bilan birgalikda bir qancha qo‘shma korxonalar tashkil etilgan. Ustyurt hududida geologik qidiruv ishlarini olib borish va o‘zlashtirish ishlari bilan shug‘ullanadigan Natural Gas-Stream KQ MCHJ ham ana shunday hamkorlardan hisoblanadi.
“O‘zbekneftgaz” AJ boshqaruvi raisi Mehriddin Abdullayev boshchiligida ushbu qo‘shma korxona tomonidan ayni paytda “Sechanko‘l”, “Oqjar” va “Chimboy” investitsion bloklarida geologik qidiruv ishlarini olib borish hamda “Urga” konida, “Oqchaloq” va “Chandir” guruhi konlarida qazish ishlarini amalga oshirish investitsion loyihasi jadal sur’atlarda amalga oshirilmoqda. Ushbu loyihaning umumiy qiymati 701,4 million dollarni tashkil etadi.
Hozirgi kunga qadar loyiha doirasida 27 ta quduqda burg‘ilash ishlari tugatildi va 600 kvadrat kilometr maydonda 3D seysmik qidiruv ishlari o‘tkazildi.
Investitsion loyiha doirasida “Oqchaloq” konida qo‘shma korxona tomonidan quyidagi ishlar amalga oshirildi:
- 15 ta quduq obodonlashtirildi;
- uzunligi 78,9 kilometrni tashkil etadigan gaz quvurlari o‘tkazildi;
- 5,5 kilometr suv quvuri o‘rnatildi;
- 40,5 kilometr elektr uzatish liniyalari tortildi.
“Chandir” konida quyidagi ishlar amalga oshirildi:
- 137,7 kilometr gaz quvurlari o‘tkazildi;
- 81,6 kilometr elektr uzatish liniyalari, konni telefon aloqa va internet bilan ta’mirlash maqsadida 119,8 kilometr optik tolali aloqa liniyasi kabeli o‘tkazildi;
- 133,3 kilometr yo‘l qurildi;
- 50 kishilik ishchilar shaharchasi qurildi.
- “Buxoro-Ural” gaz quvuriga o‘tqazish uchun gazni hisobga olish moslamasi barpo etildi;
- 23 kishilik ishchilar shaharchasi qurildi;
- 3 ta quduq obodonlashtirildi;
- 3,1 kilometr gaz quvurlari o‘tkazildi.
Ayni paytda “Oqchaloq” investitsion blokida 1 ta quduqda yon stvolini kesish (“Ko‘kchaloq” koni), 3 ta quduqni mukammal ta’mirlash ishlari olib borilmoqda. “Urga” konida 1 ta quduqni mukammal ta’mirlash, 1 ta quduqda yon stvolini kesish, 1 ta quduqni gidravlik sinash ishlari olib borilmoqda.
Bugungi kunga qadar Qoraqalpog‘iston Respublikasining “Oqchaloq” konida joylashgan 3-sonli quduqda gaz yig‘uvchi kollektorga ulanish ishlari amalga oshirildi. “Urga” konida 9-sonli quduqda yon stvolini kesish, 4-sonli quduqda qatlamni gidravlik yorilish ishlari olib borilgan. Quduqlarni gaz yig‘uvchi kollektorga ulanish ishlari amalga oshirilgan.
2022-yil yakuniga qadar, 1,095 milliard metr kub tabiiy gaz va 27,2 ming tonna gaz kondensatini qazib olish kutilmoqda.
“O‘zbekneftgaz” AJ matbuot xizmati
Izoh (0)