Ateca Hotels (BAA) kompaniyasi Grand Chortoq Wellness Retreat mehmonxonasini boshqarish bo‘yicha shartnoma tuzdi. Bu haqda kompaniya matbuot xizmati ma’lum qildi.
Namangan viloyatida joylashgan 60 gektarlik “Grand Chortoq” sog‘lomlashtirish maskanining hozirda qurilish ishlari yakuniy bosqichda. Birinchi bosqichning ochilishi 2022-yilning dekabr oyiga rejalashtirilgan.
Sanatoriy tarkibiga 146 xonali ikkita mehmonxona majmuasi kiradi. Shifobaxsh mineral suv va loy manbalari mavjud.
Grand Chortoq Wellness Retreat hududida tibbiy reabilitatsiya markazi, spa, fitnes markazi, ochiq basseyn va ot sporti klubi ham bo‘ladi.
Ateca Hotels 2022-yil oxirigacha O‘zbekistonda beshta mehmonxona qurishni rejalashtirgan.
Avvalroq Hyatt Regency mehmonxonasi xususiylashtirilishi haqida xabar berilgan edi.
Izoh (0)