Taniqli immunolog, asli samarqandlik Rahim Xaitov 78 yoshida Moskvada vafot etdi. Bu haqda Telegram’dagi “Nigoh” kanali xabar qildi.
Qayd etilishicha, Rahim Musayevich 1944-yil 6-yanvarda Samarqand shahrida tug‘ilgan, Rossiya Fanlar akademiyasi, Rossiya Tibbiyot fanlari akademiyasi akademigi, tibbiyot fanlari doktori, professor. 1988—2014-yillarda Rossiya Immunologiya instituti direktori sifatida ishlagan.
1967-yilda I.P.Pavlov nomidagi Samarqand davlat tibbiyot institutini tamomlagan. 1972-yilda u nurlangan retsipiyentlarga gematopoyetik to‘qimalarni transplantatsiya qilish bilan bog‘liq muammolar bo‘yicha doktorlik dissertatsiyasini himoya qilgan va Sovet Ittifoqining eng yosh tibbiyot fanlari doktori bo‘lgan.
U Rossiya allergologlar va klinik immunologlar uyushmasi prezidenti, JSST immunologiya bo‘yicha eksperti bo‘lgan. Shuningdek, OIVga qarshi rus vaksinasining ishlab chiquvchilaridan biri sifatida tanilgan.
Izoh (0)