“PSJ” futbolchisi Kilian Mbappe “Real”ga qarshi uchrashuvda maydonga tushishi mumkin.
Kilian “PSJ”ning Chempionlar Ligasi 1/8 final javob uchrashuvidan o‘rin olgan “Real”ga qarshi o‘yin qaydnomasidan joy oldi.
Mbappe mashg‘ulotlar paytida jamoadoshi bilan to‘qnashib ketganidan keyin jarohat olgandi. Qayta tibbiy ko‘rikdan so‘ng, 23 yoshli futbolchining jarohati jiddiy emasligi, maydonga tusha olishi mumkinligi aniq bo‘ldi.
Parijliklar himoyachisi Serxio Ramos qaydnomaga kiritilmadi. Shunday bo‘lsa-da “Real”ning sobiq futbolchisi “PSJ” bilan birga Madridga boradi.
“Real” va “PSJ” jamoalari o‘rtasidagi bahs 9-mart, chorshanba kuni bo‘lib o‘tadi. Dastlabki o‘yin Parijda bo‘lib o‘tgandi, unda mezbonlar 1:0 hisobida g‘alaba qozongandi.
Izoh (0)