Ikki vazn toifasida UFC sobiq chempioni Konor Makgregor “Chelsi” futbol klubining sotuvga qo‘yilishiga munosabat bildirdi.
2003-yildan buyon boshqaruvda bo‘lib kelgan Roman Abramovich klub bilan xayrlashmoqchi ekanini e’lon qilgandi.
Konor Twitter sahifasida “Men buni o‘rganib chiqaman”, — deya yozib, “Chelsi” uchun 3 milliard funt sterling to‘lashga tayyorligini aytgan suhbatning skrinshotini ilova qilgan.
Avvalroq Makgregor “Manchester Yunayted” klubini sotib olish istagi haqida ma’lum qilgandi.
Eslatib o‘tamiz, 27-fevral kuni Abramovich Ukrainadagi vaziyat tufayli “Chelsi” boshqaruvini klub xayriya fondiga topshirgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)