“Manchester Yunayted”ning sof qarzi bir yilda 39,3 million funtga ko‘paydi.
The Guardian e’lon qilgan hisob-kitobda 2021-yil 31-dekabr holatiga ko‘ra mankunianliklarning qarzi 494,8 million funtni tashkil etgan. 2020-yilning so‘ngida esa qarzlar 455,5 million funt bo‘lgan.
Moliyaviy pasayishga klubning televizion translyatsiyalardan tushgan daromadining pasayishi sabab bo‘ldi. “Manchester Yunayted” 2020/21-yilgi mavsumning analogi bo‘lgan so‘nggi chorakka nisbatan 22,3 million funt (20,5 foiz) kam daromad qilgan.
Avvalroq “qizil iblislar” sobiq bosh murabbiyi Ole-Gunnar Sulsherni iste’foga chiqargani uchun unga 7 million funt sterling to‘lab bergani xabar qilingandi.
Mankunianliklar Angliya chempionatining 2021/22-yilgi mavsumida 47 ochko bilan 4-o‘rinda bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)