bi1 — mashhur Schiever kompaniyasining bir qismi hisoblanadi. Kompaniya Fransiyada tashkil etilgan. Hozirgi kunda Polsha, Tojikiston va O‘zbekistonda faoliyat olib boradi. Kompaniyalar guruhi tarkibiga Auchan/Ashan va Kiabi (franshiza asosida), bi1, Schiever Déco, Hôli va boshqalar kiradi.
bi1 do‘konlarining o‘ziga xos xususiyati piyoda masofada joylashgan kichik do‘konlar formati bo‘lib, ko‘plab turdagi sifatli mahsulotlarni arzon narxlarda taklif etadi. Kompaniya turli toifadagi mahsulotlarni ishlab chiqarish uchun mahalliy korxonalarni jalb qiladi, xususiy savdo belgilari ostida mahsulot ishlab chiqarish jarayonini yo‘lga qo‘yishga ko‘maklashadi va har bir mahsulot sifatini doimiy ravishda tekshirib boradi.
Tarmoq do‘konlarida mahsulotlarning keng assortimentini uchratishingiz mumkin. Do‘konlar tarmog‘ining alohida xususiyatlaridan biri sifatida, O‘zbekiston uchun maxsus yaratilgan xususiy savdo belgilari ostida ishlab chiqarilgan mahsulotlarni ko‘rsatib o‘tishimiz mumkin. Xususiy savdo belgilari ostida ishlab chiqarilgan barcha mahsulotlar faqatgina o‘zbekistonlik tabdirkorlar tomonidan Yevropa standartlariga mos ravishda ishlab chiqariladi. Ular sifat va ta’m jihatdan yetakchi brendlarning mahsulotlaridan qolishmaydi.
Xususiy savdo belgilari ostida mahsulot ishlab chiqarishni yo‘lga qo‘yish uchun kompaniya jamoasi tomonidan deyarli 1 yil davomida mahsulotlar saralab olindi va noyob savdo belgilari yaratildi. Mijozlarga faqat sifatli va mazali mahsulotlarni arzon narxlarda taqdim etish uchun degustatsiyalar o‘tkazildi, mahalliy korxonalarga tashriflar va laboratoriya sinovlari tashkil etildi. Natijada O‘zbekiston uchun 13 ta noyob savdo belgisi yaratildi, deyarli 700 ta ishlab chiqaruvchilar orasidan 110 tasi tanlab olindi va 850 nomdagi mahsulotlar savdosi yo‘lga qo‘yildi.
Xususiy savdo belgilari ostidagi mahsulotlar faqat O‘zbekistonda mahalliy korxonalar tomonidan ishlab chiqariladi. Kompaniyaga mahsulot yetkazib beruvchi hamkorlarning fikriga ko‘ra, bi1 do‘konlar tarmog‘i bilan hamkorlik natijasida bir qator ijobiy natijalarga erishishga imkon beradi, jumladan, narxlar arzonlashadi, savdo hajmi ortadi, mahsulotlarni eksport qilish imkoniyati paydo bo‘ladi, shu bilan bir qatorda Yevropa darajasidagi sifat menejmenti asosida ishlash yuqori darajadagi sifat mezonlariga moslashish va mahsulotlar sifatini yanada yaxshilashga turtki bo‘ladi.
Go‘sht mahsulotlarini ishlab chiqarishga ixtisoslashtirilgan Delmark kompaniyasi birinchilardan bo‘lib bi1 bilan shartnoma imzolagan.
“Ilgari biz xususiy savdo belgilari bilan ishlamaganmiz, faqat o‘z brendimiz ostida mahsulot ishlab chiqarganmiz. Lekin biz bi1 bilan hamkorlik qilishga qaror qildik va yutqazmadik. O‘tgan to‘qqiz oy davomida biz juda ko‘p ishlarni amalga oshirishga ulgurdik. Hozirda biz Delmark retsepturasi bo‘yicha tayyorlangan 13 turdagi mahsulot yetkazib beramiz. Barcha mahsulotlar yuqori sifati va halolligi bilan ajralib turadi. Mahsulotlar do‘kon peshtaxtalariga yetib borishdan avval bi1 vakillari bilan mahsulotning barcha jihatlari muhokama qilingan — ta’m va rangidan tortib qadoqlash materiallarigacha”, — deya o‘z fikrini bildirdi Delmark kompaniyasining savdo va marketing bo‘limi boshlig‘i Timur Shamsiyev.
O‘zbekiston uchun yaratilgan 13 ta savdo belgisining har biri o‘ziga xos ma’noga ega. Misol uchun, O‘zbekistonda ishlab chiqarilgan qishloq xo‘jaligi mahsulotlarining sifatiga urg‘u berish maqsadida, meva-sabzavot konservalari uchun “Dehqon’s” nomi tanlangan. Germaniyada esa sifatli maishiy kimyo vositalari ishlab chiqariladi. Shuning uchun bu turdagi mahsulotlarning yuqori darajadagi sifatiga e’tibor qaratish maqsadida “Zuver” nomi tanlangan.
Schiever Uzbekistan kompaniyasining xususiy savdo belgilari ostidagi mahsulotlarni xarid qilish bo‘yicha direktor, Rossiyadagi Auchan tarmog‘ining mahsulotlarni xarid qilish bo‘limi rahbari sifatida 9 yillik tajribaga ega Olga Kondratevaning ta’kidlashicha, do‘kon peshtaxtalaridagi 800 dan ortiq mahsulotlarning barchasi 3 bosqichli sifat nazoratidan o‘tadi:
“Birinchi bosqichda mahsulotlar degustatsiya qilinadi. Ikkinchi bosqichda mahsulotning sifatini tekshirish uchun laboratoriya tadqiqotlari o‘tkaziladi. Uchinchi bosqichda esa ishlab chiqarish jarayoni to‘liq tekshiriladi. Ta’kidlab o‘tish lozimki, ishlab chiqarish jarayoni va mahsulot sifati doimiy ravishda nazorat qilib boriladi. Umuman olganda, xususiy savdo belgilari ostidagi mahsulotlar bi1 do‘konlar tarmog‘iga arzon narxlardagi sifatli mahsulotlarni taklif etish imkonini beradi”, — deb ma’lumot berdi Olga Kondrateva.
bi1 mahalliy ishlab chiqaruvchilarni qo‘llab-quvvatlash, rivojlantirish va xususiy savdo belgilari ostida kerakli mahsulotlarni taqdim etish orqali import o‘rnini bosish va O‘zbekistonning eksport salohiyatini oshirish maqsad qilingan. Shuningdek, kompaniya bo‘lajak xodimlarni kompaniya bilan ishlashga o‘rgatmoqda va aholi uchun yangi ishchi o‘rinlarini yaratmoqda. Hozirning o‘zida kompaniyada 100 dan ortiq inson ish bilan ta’minlangan, rejaga ko‘ra har yili 200 nafar xodim o‘qitiladi va ish bilan ta’minlanadi.
Kompaniya do‘konlar tarmog‘ini faol ravishda kengaytirishni rejalashtirmoqda, 2022-yilda 40 ta do‘kon ochish rejalashtirilgan, 2023-yilda esa tarmoq 200 ta do‘kongacha kengayadi.
Call center: 78 120 02 20
Instagram: https://instagram.com/bi1.uz?utm_medium=copy_link
bi1 do‘koni manzillari:
- Chilonzor tumani, 16-kvartal, 17-uy;
- Chilonzor tumani, 9-kvartal, 14/1;
- Chilonzor tumani, Qatortol ko‘chasi, 37 A;
- Uchtepa tumani, 23-kvartal, 58-uy;
- Uchtepa tumani, Lutfiy ko‘chasi, 42;
- Shayxontohur tumani, Uvaysiy ko‘chasi 4.
Izoh (0)