UzAuto O‘zbekiston Respublikasining tegishli vazirlik va idoralari vakillarining ishtirokida sanoatda 440 milliard so‘mdan ortiq mablag‘ni tejashga imkon bergan, o‘zining takomillashtirilgan komplayens tizimini bosqichma-bosqich joriy etish natijalarini taqdim etdi.
O‘zbekiston Respublikasi Prezidentining 2019-yildagi Oliy Majlisga murojaatnomasida korrupsiyaga qarshi kurashishda jamiyatning barcha a’zolarini “halollik vaksina”si bilan emlash kerakligini ta’kidlagandi.
Amalga oshirilayotgan islohotlar samarasi hamda qo‘yilgan barcha maqsadlarga erishish uchun har bir soha faoliyati qonunchilik va adolatga asoslanishi kerak.
Shu maqsadda, 2019-yilda UzAuto tomonidan xalqaro standartlar va milliy qonunchilikka muvofiq komplayens tizimi joriy etildi. U ikki bosqichda amalga oshirildi. Birinchi bosqichda komplayens tizimi faoliyatini tartibga soluvchi huquqiy baza yaratildi.
2021-yilda komplayens tizimining ikki yillik faoliyati sarhisob qilinib, tizimning korrupsion sxemalar yuzaga kelishi mumkin bo‘lgan hamda kompaniya samaradorligiga salbiy ta’sir ko‘rsatuvchi to‘qqizta asosiy yo‘nalishi aniqlandi.
Komplayens tizimi faoliyatining to‘qqizta asosiy yo‘nalishi:
- xaridlar;
- ta’minot;
- mahalliylashtirish;
- ishlab chiqarish;
- marketing;
- moliya va iqtisod;
- kadrlar;
- xavfsizlik;
- raqamlashtirish.
Sohaga moslashtirilgan komplayens tizimining joriy etilishi natijasida qisqa vaqt mobaynida tizimning samaradorligini tasdiqlovchi bir qator hayratlanarli natijalarga erishildi.
Xarid qilish tizimini o‘rganish natijasida tovar va xizmatlarning 54,8 milliard so‘mlik asossiz xarajatlarning oldini olishga yordam berdi;
Tarkibiy ishlab chiqarish korxonalarining 2022-yil uchun biznes rejalarini optimallashtirish 42,2 milliard so‘m mablag‘ning asossiz sarflanishi va ish vaqtini qisqartirdi;
Ishlab chiqarish jarayonini tahlil qilish va uni yanada optimallashtirish xarajatlarni 7,8 milliard so‘mga qisqartirdi;
Avtomobillarni eksport qilishda transport vositalarining konstruksiyasi xarajatlarini optimallashtirish, xarajatlarni 71,7 milliard so‘mga kamaytirish imkonini berdi;
12 ta korxonada 22 ta mahalliylashtirish loyihasini amalga oshirish bo‘yicha takliflar kiritilishi xarajatlarni 15,3 milliard so‘mga qisqartiradi;
Inson resurslarini optimallashtirish xarajatlarni 2 milliard so‘mga qisqartirdi.
242,6 milliard so‘mlik 41 ta moliyaviy firibgarlik va o‘g‘irlik holatlari aniqlanib, ularning oldi olindi. Hujjatlar tegishli idoralarga yuborildi.
Bundan tashqari, komplayens tizimi tomonidan sohadagi huquqbuzarliklarni aniqlash va oldini olish bo‘yicha ko‘rilgan samarali chora-tadbirlar natijasida pandemiya, global mikrochiplar va logistika inqirozi davridan yo‘qotishlarsiz chiqib olishga muvaffaq bo‘lindi.
Natijada UzAuto Motors ishlab chiqarishni to‘xtatmagan holda, ish o‘rinlarini qisqartirmay, butun pandemiya davrida narxlarni o‘zgartirmagan yagona avtomobil ishlab chiqaruvchilardan biriga aylandi.
Erishilgan natijalar UzAuto komplayens tizimining samaradorligini tasdiqlaydi, bu esa uni korrupsiyaga qarshi murosasiz kurash, xarajatlarni optimallashtirish va butun jamoada huquqbuzarliklarga nisbatan murosasizlikni shakllantirishning ishonchli vositasiga aylantiradi.
Reklama huquqi asosida.
Izoh (0)