bi1 — машҳур Schiever компаниясининг бир қисми ҳисобланади. Компания Францияда ташкил этилган. Ҳозирги кунда Польша, Тожикистон ва Ўзбекистонда фаолият олиб боради. Компаниялар гуруҳи таркибига Auchan/Ashan ва Kiabi (франшиза асосида), bi1, Schiever Déco, Hôli ва бошқалар киради.
bi1 дўконларининг ўзига хос хусусияти пиёда масофада жойлашган кичик дўконлар формати бўлиб, кўплаб турдаги сифатли маҳсулотларни арзон нархларда таклиф этади. Компания турли тоифадаги маҳсулотларни ишлаб чиқариш учун маҳаллий корхоналарни жалб қилади, хусусий савдо белгилари остида маҳсулот ишлаб чиқариш жараёнини йўлга қўйишга кўмаклашади ва ҳар бир маҳсулот сифатини доимий равишда текшириб боради.
Тармоқ дўконларида маҳсулотларнинг кенг ассортиментини учратишингиз мумкин. Дўконлар тармоғининг алоҳида хусусиятларидан бири сифатида, Ўзбекистон учун махсус яратилган хусусий савдо белгилари остида ишлаб чиқарилган маҳсулотларни кўрсатиб ўтишимиз мумкин. Хусусий савдо белгилари остида ишлаб чиқарилган барча маҳсулотлар фақатгина ўзбекистонлик табдиркорлар томонидан Европа стандартларига мос равишда ишлаб чиқарилади. Улар сифат ва таъм жиҳатдан етакчи брендларнинг маҳсулотларидан қолишмайди.
Хусусий савдо белгилари остида маҳсулот ишлаб чиқаришни йўлга қўйиш учун компания жамоаси томонидан деярли 1 йил давомида маҳсулотлар саралаб олинди ва ноёб савдо белгилари яратилди. Мижозларга фақат сифатли ва мазали маҳсулотларни арзон нархларда тақдим этиш учун дегустациялар ўтказилди, маҳаллий корхоналарга ташрифлар ва лаборатория синовлари ташкил этилди. Натижада Ўзбекистон учун 13 та ноёб савдо белгиси яратилди, деярли 700 та ишлаб чиқарувчилар орасидан 110 таси танлаб олинди ва 850 номдаги маҳсулотлар савдоси йўлга қўйилди.
Хусусий савдо белгилари остидаги маҳсулотлар фақат Ўзбекистонда маҳаллий корхоналар томонидан ишлаб чиқарилади. Компанияга маҳсулот етказиб берувчи ҳамкорларнинг фикрига кўра, bi1 дўконлар тармоғи билан ҳамкорлик натижасида бир қатор ижобий натижаларга эришишга имкон беради, жумладан, нархлар арзонлашади, савдо ҳажми ортади, маҳсулотларни экспорт қилиш имконияти пайдо бўлади, шу билан бир қаторда Европа даражасидаги сифат менежменти асосида ишлаш юқори даражадаги сифат мезонларига мослашиш ва маҳсулотлар сифатини янада яхшилашга туртки бўлади.
Гўшт маҳсулотларини ишлаб чиқаришга ихтисослаштирилган Delmark компанияси биринчилардан бўлиб bi1 билан шартнома имзолаган.
«Илгари биз хусусий савдо белгилари билан ишламаганмиз, фақат ўз брендимиз остида маҳсулот ишлаб чиқарганмиз. Лекин биз bi1 билан ҳамкорлик қилишга қарор қилдик ва ютқазмадик. Ўтган тўққиз ой давомида биз жуда кўп ишларни амалга оширишга улгурдик. Ҳозирда биз Delmark рецептураси бўйича тайёрланган 13 турдаги маҳсулот етказиб берамиз. Барча маҳсулотлар юқори сифати ва ҳалоллиги билан ажралиб туради. Маҳсулотлар дўкон пештахталарига етиб боришдан аввал bi1 вакиллари билан маҳсулотнинг барча жиҳатлари муҳокама қилинган — таъм ва рангидан тортиб қадоқлаш материалларигача», — дея ўз фикрини билдирди Delmark компаниясининг савдо ва маркетинг бўлими бошлиғи Тимур Шамсиев.
Ўзбекистон учун яратилган 13 та савдо белгисининг ҳар бири ўзига хос маънога эга. Мисол учун, Ўзбекистонда ишлаб чиқарилган қишлоқ хўжалиги маҳсулотларининг сифатига урғу бериш мақсадида, мева-сабзавот консервалари учун «Dehqon’s» номи танланган. Германияда эса сифатли маиший кимё воситалари ишлаб чиқарилади. Шунинг учун бу турдаги маҳсулотларнинг юқори даражадаги сифатига эътибор қаратиш мақсадида «Zuver» номи танланган.
Schiever Uzbekistan компаниясининг хусусий савдо белгилари остидаги маҳсулотларни харид қилиш бўйича директор, Россиядаги Auchan тармоғининг маҳсулотларни харид қилиш бўлими раҳбари сифатида 9 йиллик тажрибага эга Ольга Кондратеванинг таъкидлашича, дўкон пештахталаридаги 800 дан ортиқ маҳсулотларнинг барчаси 3 босқичли сифат назоратидан ўтади:
«Биринчи босқичда маҳсулотлар дегустация қилинади. Иккинчи босқичда маҳсулотнинг сифатини текшириш учун лаборатория тадқиқотлари ўтказилади. Учинчи босқичда эса ишлаб чиқариш жараёни тўлиқ текширилади. Таъкидлаб ўтиш лозимки, ишлаб чиқариш жараёни ва маҳсулот сифати доимий равишда назорат қилиб борилади. Умуман олганда, хусусий савдо белгилари остидаги маҳсулотлар bi1 дўконлар тармоғига арзон нархлардаги сифатли маҳсулотларни таклиф этиш имконини беради», — деб маълумот берди Ольга Кондратева.
bi1 маҳаллий ишлаб чиқарувчиларни қўллаб-қувватлаш, ривожлантириш ва хусусий савдо белгилари остида керакли маҳсулотларни тақдим этиш орқали импорт ўрнини босиш ва Ўзбекистоннинг экспорт салоҳиятини ошириш мақсад қилинган. Шунингдек, компания бўлажак ходимларни компания билан ишлашга ўргатмоқда ва аҳоли учун янги ишчи ўринларини яратмоқда. Ҳозирнинг ўзида компанияда 100 дан ортиқ инсон иш билан таъминланган, режага кўра ҳар йили 200 нафар ходим ўқитилади ва иш билан таъминланади.
Компания дўконлар тармоғини фаол равишда кенгайтиришни режалаштирмоқда, 2022 йилда 40 та дўкон очиш режалаштирилган, 2023 йилда эса тармоқ 200 та дўконгача кенгаяди.
Call center: 78 120 02 20
Instagram: https://instagram.com/bi1.uz?utm_medium=copy_link
bi1 дўкони манзиллари:
- Чилонзор тумани, 16-квартал, 17 уй;
- Чилонзор тумани, 9-квартал, 14/1;
- Чилонзор тумани, Қатортол кўчаси, 37А;
- Учтепа тумани, 23-квартал, 58 уй;
- Учтепа тумани, Лутфий кўчаси, 42;
- Шайхонтоҳур тумани, Увайсий кўчаси 4.
Изоҳ (0)