Hindistonlik 16 yoshli grossmeyster shaxmat bo‘yicha 5 karra jahon chempioni Magnus Karlsenni mag‘lubiyatga uchratdi.
Champions Chess Tour turnirlar seriyasi doirasidagi Airthings Master onlayn-musobaqasida 16 yoshli Rameshbabu Pragnanandha 39-yurishda norvegiyalik shaxmatchini mag‘lub etdi. Qayd etib o‘tish o‘rinli, Rameshbabu 12 yosh, 10 oy-u 8 kunlik vaqtida grossmeysterga aylangan.
Airthings Master musobaqasi 19-fevraldan 26-fevralga qadar davom etdi va unda Magnus Karlsen chempionga aylandi. Karlsen finalda rossiyalik grossmeyster Yan Nepomnyashiyga qarshi dona surdi va g‘alaba qozondi.
Ma’lumot uchun, ushbu nufuzli musobaqada rapid yo‘nalishi bo‘yicha amaldagi chempion, o‘zbekistonlik Nodirbek Abdusattorov ham ishtirok etdi. Nodirbek musobaqa doirasida yana bir bor Karlsen bilan o‘ynab, durangga imzo chekdi.
Eslatib o‘tamiz, 2021-yilning dekabr oyida Varshava shahrida shaxmatning blits va rapid yo‘nalishlari bo‘yicha jahon chempionatida 17 yoshli Nodirbek Abdusattorov Magnus Karlsenni mag‘lubiyatga uchratib, yakunda rapid yo‘nalishi bo‘yicha jahon chempioniga aylangan edi.
Izoh (0)