Futbol bo‘yicha Ispaniya La Ligasining 26-turidan o‘rin olgan bir qator uchrashuvlar 27-fevral, yakshanba kuni bo‘lib o‘tdi.
“Barselona” o‘z uyida Bilbaoning “Atletik” jamoasini qabul qildi. Uchrashuvning 37-daqiqasida Pyer-Emerik Obameyang katalonlarni oldinga olib chiqqan bo‘lsa, 73-daqiqada Usmon Dembele jamoasining ikkinchi golini urdi.
Ikkinchi bo‘limning so‘nggi daqiqalari o‘tib borayotgan bir vaqtda Lyuk de Yong va Memfis Depay o‘z hisobiga gol yozdirgan holda, hisobni yirik ko‘rinishga olib keldi.
Ushbu g‘alabadan keyin “Barselona” ochkolarini 45 taga yetkazib olgan holda 4-o‘rinda bormoqda va peshqadam “Real”dan 15 ochko ortda. “Atletik” (37) 8-pog‘onadan joy olgan.
La Liga
26-tur bahslari
27-fevral, yakshanba
“Barselona” — “Atletik” 4:0
Gollar: 1:0 – 37 Obameyang, 2:0 – 73 Dembele, 3:0 – 90 de Yong, 4:0 – 90+4 Depay.“Barselona”: ter Shtegen, Dani Alves, Pike, Arauxo, Dest, Buskets (Niko Gonsales, 87), Pedri, Gavi (Frenki de Yong, 67), Obameyang (Lyuk de Yong, 86), Traore (Depay, 82), Ferran Torres (Dembele, 67).
“Atletik”: Unai Simon, Lekue, Yeray Alvares (Martines, 46), Vivian, Balensiaga, Sarraga (Uilyams, 67), Vesga (Dani Garsiya, 67), Vensedor, Raul Garsiya (Sanset, 46), Vilyalibre (Uilyams, 77), Serrano.
Ogohlantirishlar: Buskets (48), Balensiaga (54), Pike (70).
Izoh (0)