Oq uy Rossiyaning so‘nggi kunlardagi harakatlarini Ukrainaga bostirib kirishning boshlanishi deb hisoblamoqda. Bu haqda AQSh prezidentining milliy xavfsizlik masalalari bo‘yicha yordamchisining o‘rinbosari Jonatan Fayner ma’lum qilgan, deb yozmoqda Politico.
Rossiya 21-fevral kuni Donetsk hamda Lugansk Xalq Respublikalarining mustaqilligini tan olgandi.
“Bizningcha bu – Rossiyaning Ukrainaga qilgan yangi bosqinining boshlanishi”, — degan Fayner CNN efirida.
Rossiya tashqi ishlar vazirining o‘rinbosari Andrey Rudenko 22-fevral kuni mamlakatning XXR yoki LXRga qo‘shin kiritmoqchi emasligini. Uning so‘zlariga ko‘ra respublikalar bilan imzolangan kelishuvlarda harbiy yordam ko‘zda tutilgan, biroq ushbu mavzuga boshqacha yondashish noto‘g‘ri: “Hozircha hech kim hech qayerga qo‘shin kiritmoqchi emas”, – degan Rossiya TIV vakili.
Ushbu respublikalar hududiga Rossiya harbiy bazalarini joylashtirish haqida gap-so‘zlar yo‘q, degan Rudenko. Shuningdek, diplomat zaruratga ko‘ra, ya’ni agar vaziyat shuni taqozo etsa, DXR va LXR bilan tuzilgan kelishuvlar doirasida harbiy ko‘mak masalasi yana qayta ko‘rib chiqilishi mumkin.
Rossiya prezidenti Vladimir Putin 21-fevralda Donetsk Xalq Respublikasi va Lugansk Xalq Respublikasi mustaqilligini tan olish haqidagi hujjatlarni, shuningdek ushbu davlatlar bilan hamkorlik va do‘stlik to‘g‘risidagi kelishuvlarni imzolagan. 22-fevralda Donbassdagi respublikalarning parlamentlari, Rossiya davlat dumasi va Federatsiya kengashi ushbu hujjatlarni ratifikatsiya qilgan.
Mavzuga doir:
- Bayden Donetsk va Luganskka qarshi sanksiyalar qo‘llash to‘g‘risidagi farmonni imzoladi
- “Hozir 2014-yilning fevrali emas, 2022-yilning fevrali. Bizda boshqa davlat, boshqa armiya bor”. Vladimir Zelenskiy ukrainaliklarga murojaat qildi
- Rossiyaning DXR va LXRni tan olish qarorini qaysi davlatlar qo‘llab-quvvatladi?
Izoh (0)