Italiyaning Sitsiliya orolidagi Etna vulqoni yana otildi. Vulqon hududi aviatsiya uchun qizil darajadagi xavf deb belgilandi. Bu haqda The Watchers xabar berdi.
Etna vulqoni 21-fevral kuni otilishni boshlagan. Shu tariqa 2022-yilda vulqonning faolligi ikkinchi marta keskin ortmoqda.
Dastlab vulqon kul bulutini uloqtirib, so‘ng uning faolligi kuchaydi. Lava favvoralari va kul buluti dengiz sathidan taxminan 10 kilometr balandlikka otilgan.
Oroldagi vulqon 11-fevral kuni ham faollashib, lava otilgan edi.
Etna — Yevropadagi eng yirik uyg‘oq vulqon bo‘lib, so‘nggi yillarda u bir necha oyda bir marta otilmoqda. Odatda vulqon otilishlari hech qanday vayronagarchiliklarga olib kelmaydi. Etna vulqoni qiyaliklarida ko‘plab kraterlar joylashgan, ular orasida uyg‘oq va faollari ham bor. Etna vulqonining kuchli otilishi so‘nggi marta 2019-yil iyulida yuz bergan va o‘n kundan ortiq davom etgan edi.
Izoh (0)