Qashqadaryo viloyatida faoliyat yurituvchi bloger fuqaroga 3 sotix yer olib berishni va’da qilib, kelishilgan 7 million so‘m pulni olayotgan vaqtida qo‘lga olingan. Bu haqda viloyat IIB axborot xizmati xabar berdi.
“Daryo” manbasining aniqlashtirishicha, Youtube blogeri, viloyatning G‘uzor tumanida yashovchi Sh.M. shahar va tuman hokimiyatlarida tanishlari ko‘pligi haqidagi yolg‘on gaplari bilan o‘zgalar ishonchini qozonib, mansabdor tanishlari orqali yer maydonlarini olib berishni va’da qilgan.
“Sh.M. 2022-yil 21-fevral kuni Chiroqchi tumani hokimligidagi tanishi orqali maishiy xizmat ko‘rsatishga ajratilgan manzildan 3 sotix yerni olib berish evaziga Qarshi shahridagi choyxonalardan birida fuqaro E.O.dan 7 million so‘mni firibgarlik yo‘li bilan olgan vaqtida viloyat IIB va Bosh prokuratura huzuridagi departamentning viloyat boshqarmasi xodimlari tomonidan qo‘lga olindi”, — deyiladi viloyat IIB axborot xizmati tarqatgan xabarda.
Qo‘shimcha qilinishicha, holat yuzasidan dastlabki tergov harakatlari olib borilmoqda.
Mavzuga doir:
- Qashqadaryoda tanish ayolga tegishli videolarni tarqatmaslik uchun pul talab qilgan bloger ishi sudda ko‘rib chiqilmoqda
- Qashqadaryolik fuqaroni internetda obro‘sizlantirish bilan qo‘rqitgan soxta bloger 500 AQSh dollari bilan qo‘lga olindi
- Qashqadaryoda ayolning behayo videosini tarqatmaslik uchun 900 dollar va qimmatbaho buyumlar talab qilgan erkak ushlandi
Izoh (0)