Қашқадарё вилоятида фаолият юритувчи блогер фуқарога 3 сотих ер олиб беришни ваъда қилиб, келишилган 7 миллион сўм пулни олаётган вақтида қўлга олинган. Бу ҳақда вилоят ИИБ ахборот хизмати хабар берди.
«Дарё» манбасининг аниқлаштиришича, YouTube блогери, вилоятнинг Ғузор туманида яшовчи Ш.М. шаҳар ва туман ҳокимиятларида танишлари кўплиги ҳақидаги ёлғон гаплари билан ўзгалар ишончини қозониб, мансабдор танишлари орқали ер майдонларини олиб беришни ваъда қилган.
«Ш.М. 2022 йил 21 февраль куни Чироқчи тумани ҳокимлигидаги таниши орқали маиший хизмат кўрсатишга ажратилган манзилдан 3 сотих ерни олиб бериш эвазига Қарши шаҳридаги чойхоналардан бирида фуқаро Э.О.дан 7 миллион сўмни фирибгарлик йўли билан олган вақтида вилоят ИИБ ва Бош прокуратура ҳузуридаги департаментнинг вилоят бошқармаси ходимлари томонидан қўлга олинди», — дейилади вилоят ИИБ ахборот хизмати тарқатган хабарда.
Қўшимча қилинишича, ҳолат юзасидан дастлабки тергов ҳаракатлари олиб борилмоқда.
Мавзуга доир:
- Қашқадарёда таниш аёлга тегишли видеоларни тарқатмаслик учун пул талаб қилган блогер иши судда кўриб чиқилмоқда
- Қашқадарёлик фуқарони интернетда обрўсизлантириш билан қўрқитган сохта блогер 500 АҚШ доллари билан қўлга олинди
- Қашқадарёда аёлнинг беҳаё видеосини тарқатмаслик учун 900 доллар ва қимматбаҳо буюмлар талаб қилган эркак ушланди
Изоҳ (0)