Sudyalar oliy kengashi qarori bilan odil sudlovni amalga oshirishda qonuniylikni buzganligi uchun ikki nafar sudya lavozimidan ozod etildi. Bu haqda kengash axborot xizmati xabar qildi.
Qayd etilishicha:
- Namangan viloyati jinoyat ishlari bo‘yicha Namangan shahar sudining raisi Baxtiyor Tavakkalov;
- Toshkent viloyati Zangiota tumanlararo iqtisodiy sudining raisi Kamoliddin Xolmuhamedovning vakolatlari muddatidan ilgari tugatilib, lavozimidan ozod qilingan.
Eslatib o‘tamiz, yanvar boshlarida ham mamlakatda mas’uliyatsizlikka yo‘l qo‘ygan 5 nafar sudya intizomiy jazoga, Toshkentda mas’uliyatsizlikka yo‘l qo‘ygan 9 nafar sudya esa javobgarlikka tortilgandi. Shuningdek, bir qator qonun buzilishi holatlariga qo‘l urgan besh nafar sudyaga ham jazo tayinlangan.
Izoh (0)