Судьялар олий кенгаши қарори билан одил судловни амалга оширишда қонунийликни бузганлиги учун икки нафар судья лавозимидан озод этилди. Бу ҳақда кенгаш ахборот хизмати хабар қилди.
Қайд этилишича:
- Наманган вилояти жиноят ишлари бўйича Наманган шаҳар судининг раиси Бахтиёр Таваккалов;
- Тошкент вилояти Зангиота туманлараро иқтисодий судининг раиси Камолиддин Холмуҳамедовнинг ваколатлари муддатидан илгари тугатилиб, лавозимидан озод қилинган.
Эслатиб ўтамиз, январь бошларида ҳам мамлакатда масъулиятсизликка йўл қўйган 5 нафар судья интизомий жазога, Тошкентда масъулиятсизликка йўл қўйган 9 нафар судья эса жавобгарликка тортилганди. Шунингдек, бир қатор қонун бузилиши ҳолатларига қўл урган беш нафар судьяга ҳам жазо тайинланган.
Изоҳ (0)