Futbol bo‘yicha Ispaniya La Ligasining 25-turidan o‘rin olgan ikki o‘yin 20-fevral, yakshanba kuni bo‘lib o‘tdi.
“Barselona” safarda “Valensiya”ga qarshi bahs olib bordi. Uchrashuvning 23-daqiqasida Pyer-Emerik Obameyang katalonlarning dastlabki golini urdi. 32-daqiqada Frenki de Yong o‘z hisobiga gol yozdirib qo‘ygan bo‘lsa, oradan olti daqiqa o‘tib, Obameyang dublni rasmiylashtirgan holda hisobni yirik ko‘rinishga olib keldi.
Ikkinchi bo‘lim debyutida Karlos Soler oradagi farqni qisqartirdi. 63-daqiqada Pedri o‘yinga yakuniy nuqtani qo‘ydi.
“Barselona” ochkolarini 42 taga yetkazib oldi va 4-o‘ringa ko‘tarildi. Bitta zaxira o‘yiniga ega katalonlar peshqadam “Real”dan 15 ochko ortda qolmoqda. “Valensiya” (30) 12-pog‘onada bormoqda.
La Liga
25-tur bahslari
20-fevral, yakshanba
“Valensiya” — “Barselona” 1:4
Gollar: 0:1 – 23 Obameyang, 0:2 – 32 de Yong, 0:3 – 38 Obameyang, 1:3 – 52 Soler, 1:4 – 63 Pedri.“Valensiya”: Mamardashvili, Fulke, Alderete (Jemert, 85), Diakabi, Gayya (Toni Lato, 65), Soler, Gilyamon (Maksi Gomes, 46), Moriba (Rachich, 66), Gedesh, Duro (Markos Andre, 85), Xil.
“Barselona”: ter Shtegen, Dest, Arauxo, Erik Garsiya (Mingesa, 46), Alba, Buskets, de Yong (Pedri, 60), Gavi (Traore, 81), Obameyang (de Yong, 82), Dembele (Niko Gonsales, 71), Ferran Torres.
Ogohlantirishlar: Alba (35), Moriba (53), Arauxo (56), Niko Gonsales (72), Toni Lato (76), Soler (77), Dest (90+3).
Izoh (0)